مني سلام وشـوق وحساس وشعور *** من قلب صادق يا هوى الروح وأهديـه

أنتي هـوى قـلـبٍ بطـرياك مسرور *** وأهـديك باقـة ورد بالرفق جـانـيـه

من مزرعة حـبٍ له أغصان وزهور *** ونـبـع الوفاء والطيب والصـدق يرويه

أرضه حـنان وطلعـته تشتعـل نور *** وبين الضـلـوع وداخـل القـلب طاويه

يا الله عسى ما يحصل بشعري قصور *** تـسـتـاهـلـين الحب إلك حق نوفيه

في داخل عـروقي لكم سـير ومرور *** صـوتـك يـهـز القـلب والهمس يلويه

صحيح أنا من حب إلك صرت مبهور *** حـبٍ تـمـكـن داخـلي صـرت أقاسيه

بنيت في قـلـبـي لكم سبعة قصور *** قـصـر الوفاء والـطيب والفخر بانيه

وقصر الغلا والحب والشوق معمور *** وقصر الغرام الله من الحـسـد يحـميه