السلام عليكم يابعدين حيي والله وشلونكم ياعزوتي
أعتذر لأنقطاعي والتقصير بحق المنتدى وبحقكم
لكن الدنيا تلهي
بنسبه لقصيدتي هذي والله للأسف مجرووح من صاحب كنت معتبره
بمثابة الأخ وكان بيننا عيش وملح ورفقه
لكن ياحيف مافي شي يبقى على حاله جرحني جرح وبعيدآ عن ذكر الأسباب
سوف يفهمني كل من يقرئني
(جبتها عالجرح ياعفيه عليك)
جبتها عالجرح ياعفيه عليك
هذا آخر ماهقيته يالخوي
جبتها والقلب منك يشتكيك
صوتها بآخر خفوقي له ذوي
مابقى يادمع عينن ترتجيك
ولاتعين الذيب لوكثر العوي
ماأبي دنياي ياموتي أبيك
جمرتي وسط المحاجر له كوي
كنت لك سمحن وفي(ن) لك أبيك
لو دنت دنياي منك أرتوي
لو غدرني صاحبن فيك انتخيك
لأجل كل الملح والخبز السوي
ياحسايف لانهدر دمعي عليك
من كلامك صابني همن قوي
جبتها عالجرح يالوافي بيديك
وسامح الله درب فيني ينطوي
أخوكم/محمد عبدالله الشمري
مـزيون شـمــرر