[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
عظيمه عظيمه ترجح بكفة الميزان=ولاشفت بالدنيا مثل شكلها دوله
ثراها ذهب وجبالها لؤلؤ ومرجان=ديار الرجال اللي لها صوله وجوله
الا يالله المعبود يامنّزل القران=تحفظ الوطن يالله من عرضه لطوله
ومن رادنا بالشر تجعله للخسران=وتجعل يدين الحقد والحسد مشلوله
بلادي بلاد العدل والدين والاحسان=بلاد الملوك اللي على الطيب مجبوله
حكمها الزعيم اللي له المرجله عنوان=مليك(ن)جميع الناس بالخير تدعوله
ابومتعب اللي يتعب الشر والعدوان=سيوفه على الارهاب شرسه ومسلوله
حكيم(ن)سياسي(ن)محنك بفكره بان=جميع المشاكل من سياسته محلوله
وانا اقول عبدالله ملك قلب كل انسان=وانا اقول طيبة قلبه اليوم مقلوله
زعيم(ن)رزقه الله بطير السعد سلطان=ولي العهد دايم قريب(ن)له وحوله
ابوخالد الساعد ابوخالد بليهان=امير السعد مفتاح في كل مقفوله
وطلبناك يالوالي طلبناك يامنان=تعز البلاد وتنصر الدين والدوله
وغلا المملكه بقلوبنا شيّد البنيان=حبال الوفاء من دونها دوم مفتوله
ديار السعوديه تعلت على الاوطان=تعلت ببيت(ن)جملة الناس يسعوله

[/poem]