هذه القصيده كانت في العيد
وكان اول عيد يمر علي بدونه الله يرحمه وقته كنت حزين
وجتني رساله بالجوال عنوانها العيد هل ودق في البال هوجاس
وجيت اهني مااذكرها بضبط لكن
خذيت اول شطر من الرساله وكانت عنوان للقصيده
العنوان@العيد@
العيد هل ومدمع العين قد هل
من عبرتن هلت على صدر مغبون
يمه فقدتك عيدنا اليوم مابل
ضحكة شفايا القلب للحزن مسجون
ياعيد وين العيد لا عاد به ول
وش لك بقلبن علته راس مدفون
خل الجروح الضاميه مالها حل
وأستغفر الله وأمسح الدمع بلهون
ياعيد ماتت والفرح كنه أنشل
والحزن موجن يدفع الضيم بجنون
ياعيد ضامي والضمى كنه يدل
راثي قصيدن منه يبكن العيون
ياعيد لم الورد ولخاطري خل
أنثر بقايا الورد عالقبر بلهون
يمكن يبلل خاطري علتي بل
وأعايد اللي بثرا راس مدفون

اتمنى ان تحوز على اعجابكم
اخوكم/مـزيون شمر
محمد عبدالله الشمري من الجووف
كتبتها في 1/10/1429هـ