وكيف ترى الأقسام الأدبيه في المنتدى ؟ وكيف تتطور الى الأفضل؟
ماشاء الله من أفضل للأفضل وفيه وجدنا الإبـداع الراقي

بيت شعر دايم تردده ؟ ولمن ؟
الهاجس اللي يوم صديت خلاك
00000000بيعينه الله وانت حاسب ضميرك
قلمي

مارايك في الشعر النسائي وبصراحه ؟
شعر النساء بصراحه وبكل امانه . . .
إما يآتي اقرب من الورد لنفسه
وإما آحدّ من السيف

هل تكتب الشعر لموقف ؟
وتقدرين تقولين أغلب القصائد

شاعر: تتمنى ان تجمعك به مساجلة؟
أي شاعر جزل ومبدع اتشرف وعلى الإستعداد
ودائما أحب مداحم ومشاكسة الكبار وذو الخبره الطويله
لأن الفائده تكون أكبر وأكثر ومضمونه

شاعر: تود ان تهمس في أذنه بنصيحة؟
بل لـ/كل : شاعر / ومفكر / وكاتب / وناقد / ومثقف / إذا شاف بنفسه الموهبه لا يستهين بكتاباته .. ومن لا يخطي ما تعلم .. فالخطا وارد ..

شاعر: تراه يتطور في طرح كلماته وترغب ان تقوله الى الامام؟
الكل مبدعين ومن أحسن لآحسن بالنسبه لشعار المنتدى
اتمنى لهم التوفيق والرقي دائما وآبدآ ..

شاعر: يزعجك انقطاعه عن الساحة؟
كل مبدع و راقي بالشعر الشعبي فهم كثر ما تحظرني أسماء والله ..

قصيدة لغيرك نالت اعجابك بشكل غير عادي؟
كثيره القصائد التي نالت إعجابي

قصيدة لك ندمت على كتابتها؟’
لا يوجد

قصيدة لك تحتل قمة هرم اعجابك الشخصي؟
:: البوح وعي ::
ياهاجسي فج الفضا اشلع كما الطير
ولا تشرف إلا فوق روس المبـادي
سهيل اليماني فيه سِجـة التفاكيـر
البـوح وعـي وللحضـاره بـوادي
تسقي ثنايا الحرف تنبت نواويـر
والرّي.. لعطشـان الوفـا بالريـادي
درب النقا واضح لك به مشاويـر
دربك.. لو أن بعض العرب قال غادي
للمفتهم !! سهله ولا احتاج تفسيـر
وبحر المعانـي فيـه فـن التمـادي
انبيك ياللي تسأل..؟ ونيتك خيـر
أنشد..؟ وحاضر الفكر لـك ينـادي
الرشد ماهو لمن يحسب المخاسير
والمد. . مـن رزّاق كـل العبـادي
الطيب فـرّق اجـزلـه بالمناعيـر
وقت الرخا ودونه من الوقت حـادي
معروف جوده ما يجي بالدناييـر
ويغنيك به واحـد بروحـه يفـادي
قليل فضلـه مـا تلمـه قناطيـر
وكثيـره يصافـح جميـع الآيـادي
والحلم صبرك بالليالي المعاسيـر
والعين عافـت بـه لذيـذ الرقـادي
ما هادها سلم الهـوى والغناديـر
سبحان من صخر له الـدرب هـادي
ودام الرجا جور الليالـي المقاديـر
للعـز سـلاح وبالمكـارم زنـادي
الدلو ينضـح لا ورد جمـة البيـر
واللي يمـد الخيـر نـال المـرادي
والعمر ؟ لو غَيّهب نسوق التباشيـر
ما تنكسـر بـه عزتـي والعنـادي
يفنى ! ويبقى لأصدق الفعل تأثير
ومن لا فعل يصبح مع الكل غـادي

قصيدة لم تجد نفسك فيه؟
لا توجد

قصيدة طالما عشقت سماعها؟
معلقة عمرو بن كثلوم التغلبي والوائلي
بمطلعها يقول
ألا هبي بصحنك فاصبحينا
ولا تبقي خمور الأندرينا