[poem=font=",6,green,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نخيت فكري والقلم في دجى الليل=وعاهدني التفكير يرقى للابداع
وفعلاً رقى رقى رقى الفكر بالحيل=حتى وصل ضوّه على هامة القاع
فكري يترجم ماجرى من بهاذيل=ومصايب(ن)تشبّعت منها الاسماع
جتنا المصايب دفعة(ن)كنها السيل=مشاكل(ن)منها اكثر الناس ملتاع
بأسباب شات الموت شات التهاويل=شات(ن)به الكذاب يسعى للاسناع
كذاب كذابه ورقص(ن)وتطبيل=وسوالف(ن)ياناس مال امها داع
لاوالمصيبه بالذي دمّر الجيل=ياصل الى المطلوب ياعالم بساع
اقصد بلوتوث(ن)يجيب التساهيل=من سبته شرف بنات العرب ضاع
ولاعم في قولي بنات الرجاجيل=اللي شرفهن كنه البدر لا شاع
قصدي خفيفات العقول المهابيل=اللي شرفهن يشبه الثلج لاماع
يعني شرفها ضاع في عتمة الليل=وضاعت ورى رغباتها لجل الاشباع
اوضاعنا قبل تجينا الغرابيل=نستغرب اللي يمشي دروب الامتاع
وهالحين حتى الورع في خاطره حيل=قلبه خضر بأعراض الاجواد طماع
برج الحيا من جور الايام به ميل=ويمكن يطيح ويستوّي مع ثرى القاع
وعزومنا ذابت وعجزت عن الشيل=وقلوبنا تقوّى على مر الاوجاع
من ينكر الفتنه ويجزع من الويل=كنه غريب(ن)في ديار العدو ضاع
هذا هو الواقع بعصر التهاويل=كلن لنفسه في هواء خاطره طاع
[/poem]