ياقصيدي علي الطاروق هات المفيد=بيني وبينك العشره طويلة امد
وسع الخاطر المكسور واكتب جديد=الحزن ياقصيدي بالضمير استبد
ولايهمك سعيّد لوقريته سعيد=كلها اسما والاسما ماتجيب السعد
خلنا في ليال العيد نجلس بعيد=عن عيون الخلايق ياقصيدي نصد
هب ياجرحي اللي كل ماحل عيد=قام ينزف وكنه من جديد استجد
وصرت في كون ثاني بس جالس وحيد=بس انا والقصايد مانكلم احد
كل ماطال بعده قام حبه يزيد=بس صابر وصابروالليالي تعد
كل عيدٍ يمرن قلت وين العنيد=بس ذكرى اليمه عيدنا ياحمد
ساعدوني ابنسى ذكرها ويش يفيد=بس ضيقه وعبره واكتئاب ونكد
ليت شعري يسلي كان قلت القصيد=لين تبرى جروحي والهواجس تشد
بس ياللي ببالي لوتسافر بعيد=دونك العمر وحشه كن مابه احد