جيت بقصيدي وصايف والحروف ان خانها التعبير
قسم بالله لاقطع لك انامل ضمت المرسام
اسافر داخل افكاري رواية وصف بالتصوير
ونا والله من شفتك رسمتك للقصيد وسام
عشقت بداخلك ذاتك ولاشفت بحياتي غير
اشوفك كل ها الدنياواسافر للامل قدام
حملتك دم بعروقي وريدي من ضماه يغير
واشوفك كل ماحولي قصيد ترتله انغام
اناظر للفضا واشوف طيفك في سماي يطير
وانا بجنحان مكسوره جلست بوحدتي منضام
احس ان المطر يرسم شعوري داخلك ويثير
حكاوي كنت اسولفها ونا بعدك علي اجرام
تعالي في فضى حضني تعالي وارسمي التغيير
ابحضن همك بصدري وابنسى غربة الاوهام
الشاعر
عـــازفــ