[align=center]يسعد صباح ومساء الجميع [/align]



فمان الله ياذاك الهبوب ويا سموم الصيف ** فـ امان الله واقبل يالوسم والرعد والبارق

هلابك يالمطر يالخير ياساقي جياع الريف ** هلابك من بعد طول الغياب وقسوة الحارق

وهلا باللي قباله نادر وساحر وحد السيف ** أشوفه في عيونه لا نظرني نظرة السارق

أنا لامن لفاني ضيف ماهو في خفوقي ضيف ** أشب النار واسوق المثايل قبل لا يفارق

ياوجه الصبح و إلاّ ياملامح ( كاترينا كيف ) ** ياوجهة ناظري يالشرق يانور الفضا الشارق

هلابك والخدود اللي بها حمره بلا تكليف ** ماكنّه غير جمره .. لا حرام الخالق الفارق

أنا لامن وصفت المستحيل أخشى من التوصيف ** واشوفك فوق كل الوصف والتوصيف بك غارق

تشرفت بغلاك ولو وصفتك زادني تشريف ** لأني ماكتبت بغير عنقاء حسنها خارق