تحياتي للجميع
اسعد الله صباحكم بكل خير
نا سهرت الليل واكتب بكرّاس
متلحفٍ همي وكوعي وساده
دقيت من كثر التفاكير الاجراس
والراي اتعبة الفكر عن سداده
اوعزة لليقين قم واحمل الفاس
واقطع رجى شك الفشل والبلاده
ياصار فيني تصطفق حر الانفاس
وعزمي يزود بكل وقت اجتهاده
اضرب يمين الخط ياشامخ الياس
ماعاد لك بالقلب دور الرياده
ابي اتجاوز عثرتك منت نوماس
انتى عدو اهل الفخر والقياده
مشيت ماني لتختخ البيد عساس
يروم عقلي كل صعب ارتياده
ماحب كثر البلبله بين الاقواس
ياكثّروا اهل السوالف عتاده
وش حاجتي بفلان لوهو ولد ناس
ياعل كسبه كنز ولا جراده
ربي خلقني احسب الوضع بقياس
وادرك معاني كل شي بركاده
والبندق اللي فعلها يطرب الراس
ماضن تنفع دون ضغطة زناده
لازم ابطلع وابنافس على الكاس
واشد عزمي بين صبر وجلاده
واللي على نفسه تقوقع ولا داس
شمّ الصعاب يهيم نوم و لباده
هذاك يبقى دايم الدوم محتاس
يجوع لكن راس الابهام زاده
وسلامتكم