منتديات بعد حيي - عرض مشاركة واحدة

معرض الوسام · 02-26-2011, 11:40 PM

طل الصباح ...بحضور الملك عبدالله

http://www.b3b7.com/vb/showthread.php?t=88817

[poem=font=",6,white,bold,italic" bkcolor="black" bkimage="" border="inset,4,gray" type=1 line=0 align=center use=ex num="0,black""] نورٍ جلى عن ظلمـة الليـل جلبـاب=
وطل الصباح اللي بالافـراح معمـور
والشعر لو انه حجـر كـان ينسـاب=
يذوب من شوقه احاسيـس وشعـور
وشلون دام ان الـولاء روح والبـاب=
مااسرج من القيفان واشعل من النور
شعرٍ يغنينـي علـى عـود زريـاب=
ويقرا على الدنيـا ترانيـم طاغـور
هذا ملك! والا بـلا.. مـدح والقـاب=
الصدق يقرا دون تفسيـر وسطـور
الشعب حبه (صدق)والحـب غـلاب=
دايم بذكرك وانـت بالخيـر مذكـور
عدلت واحبطت الجرايـم والارهـاب=
وجبرت في عطفك اسى كل مكسـور
من يوم رحت وخافق الشعب منصاب=
طالع وشف رسمك بالاعماق محفـور
ذهبت فـي رحلـه لـه رد وايجـاب=
وشفناك عقب السقم عافي ومسـرور
غايب وفي صدر الملاييـن ماغـاب=
هذا الغياب اللي مواصيـل وحضـور
جمعت من حبـك قريبيـن واجنـاب=
اجمع عليك الشعب والامـر بالشـور
لاجلك يابومتعـب بلاقيـد وحسـاب=
نفديك واللـي صـد ماهـو بمعـذور
شعبك وفي والخير باطراف الاسبـاب=
وايامنـا (دونـك) مسـا حاتهابـور
واللي رخص بعيون شعبـه ولاهـاب=
اليوم دمـه بيـن الاقطـار مهـدور
والا انت ماارخصت الوطن لاجل كذاب=
والشعب من عطفك مرّفـه وميسـور
يوم الدول صارت رهينـه للاحـزاب=
حنا لنا شرع الولـي خيـر دستـور
حزبك ترى شعبك على كيد الاغـراب=
دون الوطن ندحر طغى كـل مغـرور
كان الولاء زلّه ترى الشعـب ماتـاب=
يبقى على عهدك بلا ضعف وقصـور
وان طبت كل الشعب ياسيدي طـاب=
شفهم على باب المطـارات طابـور
نخيل وصلك (مزن) والمزن سكـاب=
احسـاس صـادق لاتملـق ولا زور [/poem]