|
قلوب الناس
السلام عليكم ورحمة الله وبركاته
حبيت اقدم لكم جديدي واتمنآ اعجابكم
(قلوب الناس)
غربية يا قلوب الناس والاغرب منها النية
الا يا كيف ينسون الوعود اللي يقولونه
....
انا ودي وابي افهم وش اللي حد للجيه
اذا صار البعاد المر اول واخر ظنونه
....
بشر ماتعرف الحب ويش يكون تاليه
بشر ماتعرف الهم لو يحويه مكنونه
....
عجيب اني تجنبت بكلامي ناس معنية
وانا ما اشوف غير اللي تولتني بمسنونه
....
تعالي ودي اعاتب جفا صمتي يبي رية
عطشت البوح وانفاسي من الزفرات مشحونه
....
مضا ما بيننا وقتن طويل وجار من سية
تعبنا ما ابتسمنا والفرحات من دونه
....
نسيتي ليلة عشنا سعدها والسما حية
تطالعني تقول الله يازين الليل وسكونه
....
وانا احاور خفا نفسي ليامن راح من ليه
وتنضرني وتسألني علامك يا غلا عيونه
....
نسيتي يوم اقول الموت لو رحتي وش الفية
تقول استغفر الخالق انا ابعد عنك مجنونه
....
سكت وقلت يا ويلي على حكين ندا ميه
مصدق طيبتي عميا اشوفة غير عن لونه
....
ودارت دورة الدنيا وراحت لعنبو بيه
اثاريها من خداعة تعزف اوتار ملحونه
....
عزا قلبي لمنهو حب وفي حبة بغا حية
وميت الوقت زود من شقاه وزاد بغبونه
....
وسلامتكم
( متعب السيف )
|