ياساري النود زف الشوق ديمومه=يبست عروق المعاني والامل ضامي
زف البشاير سحابة خير بقدومه=دام الولاء والغلاء بالروح مترامي
جتنا البشاره وهذالخير ورسومه=هذا الوطن عاد يحمل نخبة احلامي
تفرعني ياحروف الشعر في يومه=وخلي مداد القصايد يشرح اقلامي
بالصدق نبي صروح الود منظومه=ونقول يادار في حضن الفرح نامي
ارض وطينا ثراها نحفظ نجومه=نرقى العلا بالوفا والمنهج السامي
لاجل المليك المشاعرترمي هدومه =قامت تباها شرف وتحرك الهامي
واهل المكايد تجي وتروح مهزومه=تموت دام الهدف مكشوف للرامي
ولكل خارج نقول الدار محكومه=حبٍ كبر والولاء بالروح متنامي
باذن الولي ياديار العز معصومه=عن كل فتنه وفعلٍ فج واجرامي
وش عاد لو قالوا الحسّاد مدعومه=حنا لها بالرخا والموقف الدامي
ومادام هذا الوطن في ظل زيزومه=دايم ينادي لشعبه شعبي حزامي
الله يعز المليك ويدحر خصومه=واحنا خذينا ولانا فرض والزامي
ايه افقتدناك والارواح مهمومه=واليوم جيناك شعر وحب وهيامي
واسقيت ارض الوطن بالحب ديمومه=ولاعاد في شعبنا جايع ولاضامي