[align=center]
[poem=font=",7,white,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/200.gif" border="double,5,orange" type=1 line=0 align=center use=ex num="0,black""]
من غلاه أرسل على رقم جواله= والرسايل صاحبي ما يعبرها

ياسعد سبحان من غير أحواله= إختلف..واخلف ظنوني وغيرها

شايفه عقب البطا..ساليٍ داله= وكل ذكرى..راح ماعاد يذكرها

يوم كل(ن) راح في دربه إلحاله= يمكن الدنيا خذتـَه بمظاهرها

والظروف وجاير الوقت وأهواله= تخلف ا قلوب الاوادم وتجبرها

وادري الفرقا صعيبه وقتاله= تقتل كبار الآماني وتقبرها

مار انا..معقول!! ماطري على باله=كيف ينساني؟ ونفسه مصبرها

أحسبه بالحب يمشي على فاله= لين معه طيور الاشواق طيرها

ياسعد ربي يجازيه بفعاله= ترقد عيونه // وعيني مسهرها

والا انا عقب البطا.. مالي وماله= أدفع الرجل لدروبه وسَيرها

الصحيح //أجوع له شوق وأضماله= تمشي الاقــدام والقلب يامرها

غصب عني يوم اروح اتعناله= الله يكفر ذنوبي ويغفرها

كل ما قلت أتركه واقطع احباله= غزت الذكرى.. بقلبي خناجرها

أشهد ان الحب باقي على حاله=بالقلوب// وبالنفوس ومشاعرها

وأشهد انه داخل القلب منزاله= يبني اقصور الغرام ويعمرها

ما سقط حكمه // ولا طاح تمثاله= بالغلا كل المشاعر محاصرها

وله شعوري.. واعذب الشعر يزهاله= فيه صعبات القوافي مصخرها

الله يهنيه // ويحقق آماله= ويسقي أرضٍ داج فيها ونورها

لا يخليني كــذا !! حالتي حاله= جعل تفداه القصيده.. وشاعرها
[/poem]
[/align]