السلام عليكم ورحمة الله وبركاته
×
لقلوبكم قبل آهدابكم .. كيبورديه عآبرهـ ..

شلون احبك وانت تجهل مشاعرك=والحب موته دون صاادق شعورك
اهملتني والحب يا زين مااجبرك=تعتق عطاك وتعتذر عن قصورك
حبيت ذاااتك لين غرك وحدرك=وضاعت مراكب حبنا في بحورك
أدري غلاي اعماك؟ وأذكر محذرك!=كم قلت لك آصحى تمادى بغرورك
ما طعتني وتقول عاجبك مظهرك=وخليتني ما بين ضلمك وجورك
نزعة غرامك حطت أولك بآخرك=ماتت وانا بين الحقيقه وزورك
كسرت خاطر حبنا لأجل خاطرك=وتبارك العاذل بسعيك وبورك
خل القليل يموت في عالم أكثرك=ما عاد ابي خيرك ولا احتاج نورك
لاصرت ما تقدّر وفا الحب ما أعذرك=ماضيك ينسى ويمسح الوقت دورك
ولا عاد لك في خاطري شيء يذكرك=نزعة غرامك شالتك من جذورك