[poem=font=",6,white,bold,italic" bkcolor="black" bkimage="" border="none,4," type=1 line=0 align=center use=ex num="0,black""]

ليل الشتا يالمترفه ماله امثال=
لاصار برد وفي كفوفك كفوفي
ادفى ولو الثلج من حولي اجبال=
يامهرة ماروضت للعسوفي
وبعد الدفا جريت انا طارف الشال=
وطاح وتلاشا فوق حلو الكتوفي
وبان الشعر متحدرن صب شلال=
من راسها لين التوا بالردوفي
وشفت العيون اللي على رمشه ظلال=
كنه سهوم غارزه وسط جوفي
وعجزت انا لا اقول ابد شي ينقال=
وتبسمتلي بالثمان الرهوفي
ومن بعدها حسيت بالأرض زلزال=
ماغير اناظر في عيوني واشوفي
شفت الجمال اللي وصل حد الأكمال=
ماصار مثله بــ ناقشات الكفوفي
ظميته وشفّيت من الحب فنجال=
ماظني تظمى عقب رشفه شفوفي
قالت طلال وقلت يانور الأطلال=
ياشمس ماجاها زمان الكسوفي
ياوردة ماجالها وقت الأذبال=
يانور عيني آمري يالهنوفي
قالتلي اعقل قلت انا كلي هبال=
ولاني على عقلي كثير الحسوفي
دام الهبال يجيبني لك على بال=
لبيه ياهبال ن بقلب ن شغوفي
ولبيه عودك لاتثنى ولامال=
ولبيه يافرحي واماني وخوفي
ولبى الدقايق لا اسرعت والجفا زال=
في وصالك اللي لي عن الناس يوفي
والله ما اترك حبنا بكل الأحوال=
لوحالت مابيني وبينك سيوفي
وعن الهبال ادري هبالي علي طال=
وادري العقل ماعاد يمي يحوفي
دريت بعقلي طار من جرة الشال=
ياعل وجهك مايجيله خسوفي
[/poem]









ارجو التنسيق


لاتحرمونا نقدكم البناء