يا ليتني وسط الخلا وبدوية
*****************
يا ليتني وسط الخلا وبدوية
بوادي خضر تسرح وتضوي مع السبل
معروفةٍ بالصيت حيل اجوديه
تسعى لها العربان في حزة الذل
تلبس عفاف الوقت خصلة ندية
ما للحسد في عمرها جور أو غل
نش السراب ونشوة الغيم فيه
أعشق خيوط الشمس واشتاق للظل
يا زينها يوم أمطرت وأهنيه
للنوق والوادي والأشجار والتل
تنبت به أرضٍ عارية واجدبية
من عشبها اللي عانق الورد والفل
وقت الضحى في رجعتي والعشية
كل القصايد وقتها فيني تهل
خذيت من جوف الصحاري هوية
وخذيت من شمس الظهيرة مناهل
ألبس ثيابٍ نسجها من يديه
وأسعى بكل أوقات يومي ولا أمل
بنت النشامي حافظين الحمية
أخت الرجال اللي بهم راحة الكل
أرفع بذاتي عن علوم ردية
أمشي على طبع النشامي ولا أزل
حلمٍ يراودني صباح وعشية
حلمٍ عساه يطول وينول ويحل
ويا ليتها لحظة وأصير بدوية
وسط الإبل بين الصحاري مع السبل

منقوووووووووووووول

اخوكم
المحبـــــــ جريح ــــــــــه