يالله انا راجيك رب السموات =ياغافر ٍ للعبد ذنوب ٍ كثارا

تغمر ( سحاب ٍ ) بالفرح والمسرات=دربه خضر والخير دايم مسارا

ياشمعة النمرود بين الأميرات = خدك شعاع الشمس بأول نهارا

ياشامخة بكل المعاني الفريدات =كل القصايد عندك وصفك حيارا

ياسيدة غيد المها والجميلات=هيهات مثلك ينوجد بالعذارا

بنت آل سعود أهل الكرم والبطولات=ملوك العرب شبه الصقور الحرارا

هاماتهم سلمى تضاهي المجرات=من لابتن وسط القبايل ندارا

مرحوم ياراعي المبادي العظيمات=عبدالعزيز اللي حكم باقتدارا

وعبدالله حر ومنزله بالطويلات=جعل الديار اللي يحكمها عمارا

بحر الصخا وقت السنين الشحيحات= تسلم يمينك ياربيع الفقارا

وجده صفوق الهيلعي بالملاقات= مروي جموع الفرس كاس المرارا

ومطلق اخو جوزا زبون الونيات = زعيم شمر قاصفين العمارا

وفرحان والجميدي رجال الصعيبات= من الطنا بأرض المعارك سكارا

وسعود يظهر باليالي العسيرات=بالموزمه شبه الليوث الجسارا

دوم الطنايا منجزين المهمات= من دور الامسح والشريف وعرارا

يستاهله نسل الأصول العريبات=خالد يادرع المملكة وافتخارا

ولد الذي دايم افكاره جزيلات=من حكمته دمر عدوه دمارا

ماهزته فول العجم بالخيانات=ملوك ٍ على أسم العروبه غيارا

وســــلامتكم

بقلم الشمريه المجهوله