صباح الحب ..

عندما تضطرّ ان تنتظر وحيدا .. ونديمك لا يوجد منه سوى مكانه .. !
.. فلن يبقى لك بعد الله .. إلا العذاب .. وحروفك .. !








شبّيت ناري له وَلاَ سامَرْني
.......... وامْسيت مابين العذاب وْ ناره .. !

يا حلم بضْلوع الوفا يقْبرني
.......... وشلون بنْسى والمحاني داره .. !

لا قلْت .. من قيد العنا حرِّرْني
.......... إحتار يَسْند للظروف اقداره .. !

وش فيه بحْبال الأمل آسِرْني ؟
.......... ياصبْح .. ليله ما عَرَفْت اسراره .. !

معذور يومه ما قوى يهْجرني
.......... من شاف طبعي خانته أعذاره .. !

الطِّيب أصْلي والعطا يامرْني
.......... ماهو بْكيفي ربّي اللي اختاره .. !

ملّيت واحساس الشقا حاصرْني
.......... ياليت حرْفي ما نصاه وْ زاره .. !

أهواه .. وِنْ ساوَم عليْ واجْبرْني
.......... بعْطيه من عمري رحيق ازهاره .. !

واهْديه غنْوة ( صُبّني واسْكرْني )
.......... العود قلبي والحنان اوتاره .. !

لو طاع صبْري بالرّضا يسْهرني
.......... ما طاع جرْحي يسْتفزّ اشعاره .. !

مابيه يشْقى وان زعل ( يُؤبُرْني )
.......... برْضيه لو زاد الدلال اوزاره .. !

أرجوه لا منّه قرا يعذرْني
.......... الروح من طول الجفا منهاره .. !

بنْساه يمكن يرْجع ويذْكرْني
.......... وان غاب برْجع واحْتري مسياره .. !

.
.
.


الصوت
http://www.mediafire.com/?idaf6rtup7auvj0