أثر السفـر يكشـف خفايـا كثيـره=
عن قرب يكشف ما خفا لك من الناس
أحداث تِظهر لـك مواقـف مثيـره=
يبقى السفر نعم الخوي خوش مفراس
مخدوع فيها وأحسـب إنـه أميـره=
وان الغلاء داخل ضميري بناء ساس
ملبوسها كشخه من أغلـى حريـره=
ومن كل زي ولون حتى من المـاس
عطره تميـز لجـل تبقـى مثيـره=
وأثر البلاء داخل ماهو عطر ولباس
ولخاطـر الغالـي رقينـا العسيـره=
بالجود والماجـود حتـى بالامـراس
ليه الغرور أعمـاه حطـم ضميـره=
ليه الخيانه بينـت ويـن الإحسـاس
يا بايـع العشـره ومخلـف مسيـره=
عفناك وارحل مالك اليـوم مجـلاس
مات الغلاء أسـف !مثلـك حقيـره=
ماني من ألي يقبـل الضيـم ينـداس
خل الذي فـرط وأرخـص عشيـره=
ماله عذر مفضوح لو هـز بالـرأس
شفتك بعينـي خاينـه يـا صغيـره=
مضاهرٍ تخـدع مصيـرك للإفـلاس
كل السفر مكسـب وبالأمـر خيـره=
فرق الذهب واضح ولو غش بنحاس
أسف علـى القسـوه كنتـي كبيـره=
والغرس باالصبخاء تري جهل غراس