يا صاحبي زودت في قلبي جروح
فوق الجروح اللي بقلبي رساته
مدري افكر فيك وازود النوح
ولا ب أخوي اللي مبكي خواته
ولا بحلوه حبها ساكن الروح
أمي وبعدي عن عيونه وفاته
ولا ب أبوي اللي يعلمني البوح
وأمر المراجل زوده في وصاته
علمني اني لو بها طلعت الروح
مااترك رفيقي لين تقضي حياته
ويدٍ تمد وتعطي العيش وتروح
لابد من رد الجميلـه لذاته
وليا عوا لك ذيب رد العوا بوح
في ساعة النخوه وكرر وصاته
ولا ضامك الدينار جاوبه مسموح
أمـا بعرق كدك تذوق حلاته
ولا تموت بجوع أهون لك جروح
من مد يدك للبشر والشماته
و يا صاحبي أما أتوب لك الروح
ولا وراك أضيع ونعلن فواتــه
بقـــــلمي,,,