قصتي يا صاحبي قصه تهول
وسط قلبي منها جرحٍ غزير
قلبي إلي صار يخضع له ذلول
طايع شوره لو الخاطر كسير
في هواها كم كتبت وكم بقول
وكم من الأسرار صنته بالضمير
وكم من المرات صابتني بذهول
مره هي نوره ومره هي عبير
باذكر إلي صار لا ماني خجول
والحكم عند الله الحي البصير
قالت أبغي شوفك بشي عجول
شي مهم عندي لك سر خطير
قلت حاضر بس دقايق للوصول
وجيتها في إيدها كيس كبير
قلت وش ذا قالت الحب بشمول
الصور معهاالهدايا ويا أشعار كثير
جيت أبمشي ثم قالت لي أقول
أسمي غاده لاهو نوره أو عبير
هذا حبي قد كمل سنة وحول
إنتهى في كيس أطرافه حرير ..!!



كل الود اسكادا؛