اقتباس: المشاركة الأصلية كتبت بواسطة على النيه    السلام عليكم ورحمة الله وبركاته [poem=font=",6,black,normal,normal" bkcolor="gray" bkimage="" border="inset,4,darkred" type=1 line=0 align=center use=ex num="0,black""] هاك الحنين اللي مضى دايم يعود = ويعود معه الهم وسط الحنايا اتصافقت بين الحنايا مثل نود= نوداً شماليه قوية عطايا ماهي بفيدة كلمة سهود ومهود= الجرح بعض احيان ماله دوايا لاجيت اسامح اذكر الجرح واعود= ارجع على العزله بليا خطايا ياذا الزمن متى عليّه تبا تجود= وتصير دايم وانت طيب سجايا ترى الغلا مثل الكرم ماله حدود= وانا عطيتك قلب صافي نوايا كانه سحابن يسبقه برق ورعود= يسقي حنايا مايعرف الجفايا ادرا على قلبن يحبك وملهود= من قبل ياخذه القدر والمنايا العمر يمضي والليالي ترى قود= ماراح منها مايعوّد ورايا اعرفك انا مثل البحر منته اتهود= تعال وقفهم وسو السوايا يابعد راسي مابه اليوم منقود= على النقا والناس مثل المرايا [/poem] طبتمـ بود علــى الـنيــــــــــه للمآرين هنآ

هاك الحنين اللي مضى دايم يعود =
ويعود معه الهم وسط الحنايا



افتتاحيه تجبر القاريء المتذوق على الإنغماس أكثر دون شعور !



ماهي بفيدة كلمة سهود ومهود=
الجرح بعض احيان ماله دوايا
لاجيت اسامح اذكر الجرح واعود=
ارجع على العزله بليا خطايا



وربي .. عذوبه اطربتني ارجع على العزله بليا خطايا // كبيييييره اختي كبيره /



ترى الغلا مثل الكرم ماله حدود=
وانا عطيتك قلب صافي نوايا


انا اشهدددد .. بيت عن قصيده



كانه سحابن يسبقه برق ورعود=
يسقي حنايا مايعرف الجفايا


الله الله على الشعر .. والسلاسه والصور اللي تدخل القلب مباشره //


وش اخلي ووش اقتبس .. قطعه موسيقيه متناهية الجمال .. سيمفونيه رجّت اركاني !

لله درك يا شعر ..

احسنتي اختي على النيه .. نص فاخر يحق لك التباهي به ..
ويحق لي الإنتعاش بقراءته ..

تحياتي

اخوك/ خالد