حياتنا في هالزمن كنها اطناب =
متشتته وغاديه بكل الاجهات
ضاع الوفا ماعاد به جمعة احباب=
والناس فيها صارت اتفضل الذات
اول ليا منه غرق دمع الاهداب=
ياتيك من يسأل وش اللي حصل هات
ويخفف جروحك ويفتح لك كتاب=
اكتاب ساطع بالوفا والسلامات
يشيل عنك الهم ويفتح لك ابواب=
باب الفرح الين تضحك لك اصوات
واليوم نركض بالزمن كننا احزاب=
مابه هدف مرسوم والصدق به مات
ليتن اعيش ابهالفضا مثل الاسراب=
ترحل وتنزل مع بعض كل الاوقات
احلام نحلمها ونصبح على عتاب=
بين القلوب انعيش مابه مسافات