مساء الشعر والإحساس والطيبه ..

شبه كيبورديه .. لمسة وفاء لمن يستحقه .. !



.
.
.










ما يشْبهونك يا غزال عتيبه
.......... لو طوّقوهم بالذهب تيجاني .. !

في هرْجتك عفّه وشان وهيبه
.......... قلب الأسود وْ خفّة الغزلاني .. !

سبحانه اللي كمّل التركيبه
.......... ما شفت انا مثلك مع العرباني !

روحك على مدّ العطا والطيبه
.......... روح السما يوم المطر هتّاني !

كافي دلال ارْفق على الحبّيبه
.......... لا تفْتري يالشادن الطرباني .. !

همْسك ذبحْني لونه وتطريبه
.......... لا جيت أبنْساه الغلا ناداني .. !

يا قلبي اللي طيبته من عيبه
.......... خل القصايد ترْوي العطشاني !

إترك هواجيس الخفا والريبه
.......... واكتب شعورك بالورق مجاني

يا بنت انا لي بالشعر تغريبه
.......... عاشت على دمْعي وحرّ اشجاني

يا ليلي الساري ونا مدري به
.......... غنّى الهوى للمغْرم الولهاني !

منّي لكم يهْل الوفا ترحيبه
.......... كلّ القبايل ربْعي وْ خلاّني .. !