اعتذر للأخوان الذين ارسلو لي رسائل خاصه لعدم الرد لأنقطاعي
عن المنتدى فتره طويله وتوي ادخل واكرر عذري للجميع للغياب
ابيات للتواصل من الارشيف الحديث لعلها تنال بعض الاستحسان

((مغالطات البدايد))

ياجاهلي توي عرفتك وغنيت=من قبل لاتغني جروحي قصايد
اول معك سجيت واثرك تماديت=واليوم عني صرت تبحث جدايد
كان الخبر عني هموم وتناهيت=تر الخبر عني سلوم وعوايد
اشفق على علم الرجال الشفاليت=ياجاك عني علم خذها وكايد
مريت صلفات المراجل وعديت=وخذيت من علم الرجوله قلايد
اشغلتني عن صادق القول واخفيت=ولقيت نفسي في دروبٍ بعايد
ماتشوفني عن بعض الاوضاع صديت=ادرا تراي مغالطات البدايد
عرفت مقدارك على كل مابديت=يوم الوجاهه صنْع ماهي مجايد
وارجوك مادامك توهقت ياسبيت=ابعد عن المرقاب مابك فوايد
وياجاهلي ياليت ياليت ياليت=تعرف قدر نفسك وخلك محايد
وان كان توي ماعرفتك وغنيت=زيد الجروح وغن كل القصايد