مساء الحب

فنجان قهوه .. سكر زياده .. لكل من حضر




.
.
.
.
.








يالعازفه زَلّ الطرب ما رِحْتي
.......... كثْر البكا للي غرق ما فاده .. !

كنْتي وكنّـا وانتهى وارْتحْتي
.......... يومك ذبحْتي حِلْمنا بمْهـاده .. !

يالنايحه ما ينْفعك لو صِحْتي
........... خَلّي حنينك يهْتني برْقـاده .. !

ياما على درْب الجفا لمَّحْتي
........... واليوم تبْكين الغلا بزْياده .. !

وشلون تنْسين القسا لا سِحْتي
.......... وجْروح صدّك بالحشا وقّّاده .. ؟

من موق عيني يالعزيزه طِحْتي
.......... عَزّاك دمْعي وانْفجَر سـدّاده .. !

للضّيم ودْيار الندم روَّحتي
.......... يا حيف ما كنْت احْسِبِك مِنْقاده !

إبْكي مدامك بالأسى صَرَّحْتي
.......... واسْتَحْضري ميْتم وْ قهْوَه ساده !

بسْ انْشدك تكفين لا من بِحْتي
.......... إنْسي معالم صورة ٍ معْتاده .. !

يومي حزين وْمن شقاي اجْتحْتي
.......... بِاسْم المحبّه خافقي وِ حْداده ..!

وْغيّرتي اشْعار الحِزِن واصْبحْتي
.......... روح القصيد وْ شِعْلته وزْناده !

لكـن غَـدَرْتي به ولا فرَّحتي
.......... من فَرْحَتـِك إلاّ بَعَض حسّـاده !

يالعـازفه بَسِّـك طَرَب جرَّحْتي
.......... أوتار قلب ٍ ما نسى عَوّاده ..!



.
.
.
.






http://www.mediafire.com/?k8eednkg5b211w9

تسجيل فكاهي للقصيده