كنت احسب انّك وافـيٍ بالمزايـا
وكنت احسبك ليّن ولاانته مكابـر
والظّنّ بك عنـدي يفـوق البرايـا
وظنّيتـك بطيبـي تهـزّ المنابـر
واثري ظنونـي خيّبتْهـا النوايـا
من يوم بيّن لـي كـلام المحابـر
عرفت فحوى كـلّ سـرّ وخبايـا
يـوم المعـزّه سقتهـا للمقـابـر
هذي مشاعر مـن عديـم الرّدايـا
خطّه لظرْفٍ وانت الاعْلم وخابـر
في واديٍ والوقـت حـزّة مسايـا
خذْهـا وللمضمـون دوّر معابـر
ناخت عزوم الطيب ماتت سجايـا
والحاضر افناه القهر .. صار غابر
خلّيتِنِي مِنْ ضِمْن ذِيـك الضّحايـا
ومْخِيلِتِي بكْ لِلأسفْ ..حِلْم عابِـرْ

سيد الشعر والكلمه
شآعرنآ القدير \ السلف
قصيده كـ لوحه وقفت لهآ الآلبآب
مكتمله من بدآيتهآ الى نهآيتهآ
معبره بفيض من مشآعر واحسآس
لله درك شآعرنآ
مثل ماعودتنا قصائدك بحر وحروفها درر
لاتحرمنا من شعاع حروفك ..
حفظك الباري
ودمت بسعآده لآ تنقطع ..