.
.
.



سلام الله ورحمته وبركاته على هالوجيه السفره ..


.
.
.
.
.
.
.
.
.






طال الرجا مابين جرْحي والايام
........... أكْتم خفايا السرّ لو كان بادي

أنا وجـرْحي كنّنا اليوم أيْتام
........... حتى السحاب اقفى مع الريح غادي

يوم المطر يرْفض تفاسير الاحلام
.......... عقْبه نسَت عيني لذيذ الرّقادي

إن ما سهرْتك يالغلا كيف بـَ نام؟
.......... وانت الحْلوم اللي سَرَت في فْؤادي

خُبْري بْهَبّات المطر باوّل العام
.......... يـوم الجروح اخوان والهمّ عادي

ظامي حنانك والملا جوع وصْيام
........... دمْعي على خدّ الورق صار زادي

بَعْدِك عَزَفْت الصّمْت في ناي الاوهام
.......... ينْعى رحيلك داخلي طير شادي !

وش حيلة الطيب مع الناس لا هام
.......... لا صار ما يقْدر يبوح وْينادي !

ماغير يقْدح بالقوافي والاقلام
.......... يِِزْعِل حبيبه والفرح للأعادي

ما عدْت انا ذاك المتيّم بالاعلام
......... وْماعاد تَرْضَى عِزّتي في حصادي

والليله ان واجهْت انا طيف الالهام
......... بشْكي عليه الحال واعْلن بْعادي

واحْكم على كل القصايد بالاعدام
......... إلاّ قصيده قلْتها في بْلادي !


.
.




http://www.mediafire.com/?ctq1qb16p6ea9mx

بصوتي ..