[align=center]
سحايب الشعر .. والاحساس والقاف السمين
ترزّمت فوق .. قاع ٍ من سكنها .. ظفر


ظفر بالابداع ..والنوماس .. والعقد الثمين
الين مايبقى بها .. من مخطي الغيمة شبر


كذا .. أشوف ان السما ..عقل ٍ يحاورني فطين
وان المطر ..هنا نثر وبل ٍ من الفكره شعر


شعار تكتب قافها ..من خلطة .. أحلام السنين
والمطلع يقرا شعر .. واحساس .. وحروف وفكر


ماتصنع الدنيا نجم .. لو ماهو بنجم ٍ ... يبين
ولو كان ماهو قدها ..يبين في جنبه ... قمر


وأنا أحاور غربتي .. وأمشي ورا الراي اليقين
من لا يجمّل لحيته لا يكتب ويمسح .. سطر


تبقى حروفه داخله .. في حسبة الشخص السجين
أو ينثر حروفه كذا .. .. ويقول انا كاتب نثر


مانختلف بان الجبل يبقى .. بهالدنيا .. متين
وان القصر مهما كبر .. يقصر عن العالي ..قصر


جيت بغلاي المندفع ..مع نكهة شوية .. حنين
لحروف ..ينسجها بدو .. وحروف .. ينسجها حضر



شاعر ولو مالي ..صور .. ولا اشتريت .. مصفقين
لكني اعوم البحر .. واجيب من جوفه .. بحر




تركي فلاح ..

[/align]