بسم الله الرحمن الرحيم
السلام عليكم ورحمة الله وبركاته




متواضعه عسى تنال على رضاكم


نصها :-

[poem=font="mudir mt,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حظّ الصباح اللي تبسّم عليله = من يبتسم ثغره ينابيع شيره
لو ذقت طعمه سكرتن في مقيله = ما شفت زيّه بالبشر أو صويره
في شفّته سكّر نبات ورسيله = وفي شفّته جمرن تلاضى سعيره
وصفّت ثناياها شعاع الصقيله = والفرجه اللي حيّر الزين حيره
وحوّل على توت البراري نزيله = له وجنتن كما البرد في نزيره
يمين خدّه غيم ترقب مخيله = ويسار خدّه برق ينهب ضريره
وعينن كما عين المهاة الهزيله = مثل السهم طرفه لزيمن دحيره
وسيعة العينين ما هي كحيله = نظرة عيونه طير يرقب مغيره
وخشمن شطيرن مثل شامان ميله = مرهف شموخه بالشواهيق صيره
حجاجها هلّت معايد تشيله = لا غرّد الحمام اللي تناهض مطيره
ريحة شعرها بنّن يحيّيك هيله = يجذب نزوله يوم تسمع هديره
جديلها خيلن تناهض صهيله = مثل الحرير ان كان تلمس حريره
ونهود رمّانن جديدن مديله = حمرن طلوعه رطبتن تستنيره
تبطن وتبطن ما تجيبن مثيله = في جسمها الريّان عوده دميره
والله فلا العينين شافت زميله = شوري تطيعه بالعلامه بريره
تغضّ طرفه بالحيا والثّقيله = تصبر عضيده يومها طاح غيره
غنّيت لعيونه مواويل شيله = على الوفا دربه يحوفه عبيره
[/poem]

وسلامتكم أخوكم // طلال الشمري
تعليقاتكم ونقدكم ما هو الا شرف لي فلا تبخلوا علينا .