[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حدتني الدنيا على غير ماريد = مشتني دروب الخطر والبلاوي

مقيدالاحساس وانا مطلق الايد= متستر ٍ بالثوب والعود ذاوي

وهموم قلبي كل مازاله تزيد= بأسباب جرح ٍ بين الاضلاع خاوي

هبت هبوب النايبات المناكيد=هدت طموح احلامنا والمناوي

عيشة كدر واحزان غم ٍ وتنكيد=بيني وبين الموت عدة خطاوي

ضيعت عمري بالأمل والمواعيد =واشقيت روحي بالسهر والرجاوي

وعيوننا بدمع المحره اجاويد=كنه لهيب(ن)فوق الاوجان كاوي

ياما نصحوني عزوتلي ولايفيد=احزام عزمي بالعسر والفضاوي

يبغوني اتبع شورهم والتقاليد= واعيش عمري للطنايا فداوي

وأمجد افعال الضياغم مع عبيد =وأثني على ضاري بعيد الهقاوي

كسارة الطابور اهل البواريد=ذباحة الحيلان كبار القهاوي

من دور نجد ٍ بالمعاره صناديد=يما دحروا عدوانهم باللقاوي

وادليت دلوي في بحور القواصيد=هذا يقول الشعر وهذاك هاوي

وعسفت قافي للطنايا أناشيد= في سامري يطرب خفوق الشقاوي[/poem]

وسلامتكم

بقلم الشمريه المجهوله
ــــــــــــــــــــــــــــــــــــــــــــــــــ ـــــ

وهذا رد الشاعر القدير

اخونا الكريم

عويد المغيليث

[poem=font="simplified arabic,6,black,bold,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
لاتشتكين الهم تفرح حواسيد=همك على العذال ماله طراوي

وانتي حكيمة راي مابه مناشيد=بنت الذي بالكون دايم قصاوي

متربية بالطيب والهرج توكيد=رباك عود مايحب اللغاوي

وان كان لي مدخل شريت البواريد=انا معك بالفعل ماني مراوي

طبعي كذا يابنت طبع الاواليد=ولي لابة بالحرب ماهي بتاوي

وانتي عزيزه رغم انف المقاريد=بنت الطنايا دوم راسه سماوي

شمر هل الفزعات ماهم ملابيد=زهيد بالافعال ماهي حكاوي

يشهد لهم تاريخ مكتوب بالايد=ماهو كلام مصففين الدعاوي

وفزعاتهم ماتنحصى للقواصيد=كل القوافي ماتجيب الحراوي

يابنت شمر رددي بالاناشيد=تعيش شمر كاسبين الثناوي

اجدادنا تزرع وحنا حواصيد=وصرنا نردد مجدهم بالحداوي

وان كان ماض الوقت يحتاج تجديد=الشمري للموت بالطبع هاوي

ودي ازيد وخفت هرج المناقيد=اخاف بعض الناس تصدر فتاوي[/poem]