السلام عليكم

قبل يمكن ثلاث سنين ارسلي واحد من ربعي مقطع فيه بنت شيله على كفه صقر وكاتب مع المقطع شف اللي تستاهل تشيل الطير

ماهوب انت انت وخشك هههههههههههه

وكانت لبسه لبس احييييه فاضح ويخدش الحياء <<<< يخدش متعوب عليها ههههه

الزبده انه استفزني وكتبت هالقصيده وبس



[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياسعود انا خليت نقل القرانيس=ماعد لي بطير ياسعود حاجه
يا سعود وش لي بالدروب اللواليس=اقلها قلبـي عـن الطيـر عاجـة
يا سعود تلعبي كثيـر الهاوجيـس=لعب البحر يا سعود بشلوخ ساجة
أحسها يا سعـود مثـل الدبابيـس=باقصى ضميري يا عضيدي ملاجة
الحر وان ما شاف عز ونواميـس=يموت ما ياطـى دروب السماجـة
واليوم صارت بالصقارة دنافيـس=ناسٍ تخلي الراس عكـرٍ مزاجـة
حياتنا يا سعود صارت عواكيـس=من يوم شفت اللي عليها غناجـة
في كفها تنقـل سليـط القرانيـس=تلبس عرى يا سعود رمز الهياجة
من شفتها يا سعود ثـارً مقابيـس=والقاف ثـور بالقريـح العجاجـة
عروق كبدي يالسنافـي ميابيـس=أمج مـن جـم القريـح الهماجـة
وادعي عسى المولى يفك اللواليس=يالله عسى الدنيا سريـع إنفراجـة

[/poem]