.. لحظة عناق ..
http://www.b3b7.com/vb/showthread.php?t=100992
لاح الهوى في وجْهَهـا ضَيّ
........ يوم انْفضح مكنون الاشواق
بسْمة خجل ما مثْلها زيّ
........ نور الشفق من خدّها باق
لون الغروب وْمانسى شيّ
........ حتى شعاعه بين الاوراق
يطوي خفوق العاشق الحيّ
........ صافي حنين وْدمعة فْراق
تحت الشجر في بقْعة الفيّ
........ قابلْتها في لحْظة عْناق
يمّ المحاني واقْرب شويّ
........ من لهْفة مْسافر ومشتاق .. !
تلْعب بنا الصوره على الميّ
........ لوحه رسَمْها ثنين عشّاق
تمْزح معي وتْقول لي { ديّ }
........ وانا غريق بْـ كحْل الاحداق
وْلا هزّنا الساقي تقول { أيَ }
........ بَعْثَرْتَنا ما عندك اخلاق ؟
غـاب العقـل في حضْرة الغيّ
........ غنّى الغرام وْ جوّنا راق !
بشْكي عليك الحال يا خيّ
........ شفْ لي معك صِرْفه وْمنْطاق
بطْفي معاها حارق الكيّ
........ ما غيرها من هالبشر لاق .. !