كتبت هذه الابيات اعبر عن حال اعز صديقاتي
بعد ان القت همومها على عاتقي

[poem=font="simplified arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كني جندي تحت امرك سيدي وآمر لوائي=رغم احزاني اكابر واكتم الدمعه الخجوله
تدري عندي الموت اهون من خضوعي واستيائي=انك تهين التوده هذا هو معنى الرجوله
الصبر ع الذل بلوى مانفع غدرك وفائي=تخطي والاخطأ عندك كل ابوها محلوله
منوتي بدرٍ اشوفك معتلي منور سمائي=وبعد تعذيبي ومراري طحت من عيني بسهوله
كان الك ذكرى بقلبي انمحت من كبريائي =عزة النفس اجبرتني احسم الرآي واقوله
عارف اطباعي رزينه وقدري مابين النسائي=يبتسم جرحي ويكابر والصبر عندي ياطوله
عذرا ً يانسل الطنايا هذا هو قولي النهائي=اطلب رقبتي تهده تعتقن ياابن الحموله
قيود ظلمك حطمتني مؤمنه بقدري وقضائي=ماتت امال واماني حتى احلامي مخذوله
كنت اثق فيك واصدق مجدده عهدي ولائي = كل ماتغلط اسامح وانا في قلبي معلوله
انته داء اللي بقلبي من يقول انك دوائي=هذا ردي بالقوافي نوخت عندك ذلوله[/poem]

وســــلامتكم

بقلم الشمريه المجهوله