.
.


طابت اوقاتكم بكل خير وسرور ..


شعراء شاعرات متذوقين متذوقات اخوان اخوات .. إحتمال كبير أني سأغيب من يوم الغد لعدة أيام
وحبيت اودعكم ( مؤقتا ) بهذه المتواضعه .. لعلها ان تجد بعض الاستحسان ..
وان ما لقت شين عاد الشكوى لله

الاهداء الخاص // لكل اعضاء بعد حيي من الساري إلى خالد ..
.
.
.
.







مرَّت تبي تقْطع طريق الصاله
.......... في بالها رقصة طرب مجنونه . !

مثل الفرح يوم اقْبَلَت تختاله
.......... تخْفي ملامح شوقها بفنونه .. !

شمَّر على خيل الهوى خيّاله
.......... واطلق عنانه للغزل وشجونه . !

في خصْرها السايب كتب موّاله
.......... وارْخت لثام عيونها بعيونه .. !

جاوبْتها في نظرة ٍ قتّاله
.......... تضحك وكلمة سرّها مفتونه .. !

بسم الولع واسم الدلع واشكاله
.......... أصير انا لاغراضها كرتونه .. !

شفْت النهر يسْكب عليّْ شلاّله
.......... ليله ولا ادري جوّها وش لونه . !

في سوقها كل البنات حثاله
.......... حتى وداد بجنْبها زيتونه ... !

سكّر عنب ترْمس طرب وبياله
.......... أتْعب وانا اقول شْكثر مزيونه . !

هي سَكْرة اللي ما طرى في باله
.......... يشْرب خمر لو حلّلوا قانونه . !

أطْلب صديقي وانشغل جوّاله
.......... ما ودّي اخفي عِلْمها من دونه . !

يمكن لمَحْها واشغلت أحواله
.......... عدَّت عليه وسافرت بظنونه .. !

إقروا علي يمكن تروح الحاله
.......... أو فاتركوا عودي يجرّ لحونه .. !




.
.







http://www.mediafire.com/?a9w1c8x0ow1k0po

الصوت