القوافي تبكي الملتاع وحروف القصايد أرمله
والشعر جلباب أسود يلبس الدنيا ويلف

في الجزاير مات حلم الشعر مات بأوله
رحله المقناص عيت توصل أعتاب الهدف

ياطلال الوقت مال وخذ مداد أحلى وله
ويالرشيد أيش الجديد وصايغ الأبيات جف

ليه يا أرض القوافي بالقصايد ممحله
بعد ما نالت ثمارك أعلى هامات الشرف

وانتفض صوت القوافي في جواب الأسئله
رددت نبع القوافي للأسف جف ونشف

أشهق حروف القصيده وفي ضميري هائله
كنها ترفض نفسي في غيابه وتنعزف

لو تغيب الشعر بااقي ياطلال ومنزله
مثلها كاان بحياتك في الضمااااير مختلف