[read]

انا طاغي الشوق في وقت الشدايد
راعي الوقفات بااليوم الشديد

هو جزى المعروف نكران وجحايد
من متي والطيب يجزى بالجحيد

اسئلي عني وتلقين الوكايد
جاك صدق الهرج والعلم الاَكيد

مبطي راعي النايفه بالطيب سايد
من قديم الوقت والماضي البعيد

اعتليت المجد في رؤس النوايد
فوق راس النايفه حراً عنيد

لي عهود وموفي بعهد واعايد
سود الله وجه مخلفة الوعيد

ادري ان النعم يالمزيون كايد
في ربوع الطيب لي علمنً وكيد

في عيونك شوق واشواقي قصايد
اكتبك واشواق شوقي لك قصيد

شب شوقي واوقد بروحي وقايد
.مع عروق القلب واحرق بالوريد

لاخذاك النوم من فوق الوسايد
خلني حلمك على جوك يسيد

ياشبيه الريم في مشيه محايد
من صفات الظبي بالممشى يحيد

ياعقيد الـغيد لاهدن ورايد
بوصفك ياريم على ماكيف اريد

في حضورك يبتهج جو القصايد
بنسكاب الشوق في نزف القصيد

عـنـد ابن الاش لادور فوايد
ماهقيت الاش يفزع او يفيد

مايعرف الطيب وسلوم وعوايد
مثل هذا ياعسى فرقاه عيد

طاغي الشوق

[/read]