[read]

ان كان ما تقدر تجيني انا ا جيك؟
خل الظروف ولا تكثر احججها

وان كنت تغـليني انا اَكثر اَغليك ؟
اَكبر دليل الهم روحي سهجها

في غيبتك مـاغـاب ذكرك وطاريك
اَجمل حروف الحب فكري نسجها

اَسهر على طيفك وشوقي يناجيك
حتى بزوغ الشمس يشرق وهجها

ليتك تشوف الحـال وجروح مغليك
حبك سكن حدب الظلوع ورهجها

تـاهت مراكب غربتي فـي مؤانيك
اَزريت اعدل ميلها من عوجها

سـافرت ادور فـي بحوورك مراسيك
اَبحرت مـع موجك عـلى كل وجها

جـزرك لعب فيني ومـدك غدى فيك
تعبت اصارع في بحورك اَموجها

مع حادى الغربه سرى الشوق يدعيك
اَرجي عسى المولى يعجل فرجها

يـاصـاحـبي ضـاق الـفـضاء مـن تجافيك
وضاقت بي الدنياء الوسيعه افججها

طاغي الشوق
[/read]