بخيل طولت الجفا وطوّل غيابك كثير *** تكفا تعال وجب معــــاك الشهد من منا حله

طيّرت لك أبيض حمام العشق ياأعذب غدير *** لن الغلا من طب ريضانك أناخ الراحله

محمد ويقسم لك قسم انك أبد مالك خشير *** ساكن غلاك وديرتك خلف الضلوع الناحله

تقاسموك وهيجنوا عشقك على الضلع القصير *** للغيم وآمالي على صحراء الشمال القاحله

أملك يقين ان القطا لوذاق نبعك مايطيـر *** يغلي منابت موطنك وينســى غلا مداحله

مدري وش أنت من البحر لاجيت اشبهك بكبير *** أخاف أقول أنك بحر واموت ماالقا ساحله

تشيلني كل الطرق تاقف على نفس المصير *** ماصرت أفرق بين راس الطريق وكاحله

حبك فصل في دنيتى وأعتبره الفصل الأخير *** وغلاك أعذب مرحله على مدى مراحله

قصايدى منى همستك تفوح بأأرياح العبير *** يفوح لك صدري وله يومن همسك فاحله

شاعرك مادور ابد بالشعر عن منصب وزير *** يكفي بعيونك ( فاتنى ) أصير من فطا حله


ودي للجميع