[poem=font="arial,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


ياولد أبوي اللّوم للّي يستحقّ إنّه يلام =وأنا أستحقّه دامه من محمّـد العفّ النظيف
ياولد أبوي النّاس ماخرّب ذممها إلاّ الحرام=والعاقل اللّي يـتّعظ لا شاف له موقف مُـخيف
وأنا الجبان ليا ذُكرت الله ولكـنّي الهُمام=في الموقف الّلي يـتضّح فيه الخـسيس من الـشّريف
اللّي يدلّل لك على نقـص العقل .. كُـثر الـكلام =مثل صفات الخفّه تـدّلل على الشخص الخـفيف
تجي إساءه من بعيد أقول : إساءه والـسّلام =مثل الـتّهم ! ماشوّهت نزاهة العرض العـفيف
لكن تجي من أقرب قريب ! الله أكبر يا إنعـدام=الخُـلق ! في الدنيا وأهلها لكن الشيّ الـطريف :
أغـمّض عيوني على نار توقّـد بي .. وأنام =وأصحى أقول أنّ الـسخـيف يهمّه الشيّ الـسخيف
وصيّتك يامحمّد فـ قـلبي وحافظها تمام=" أعمى البصيره لو يشوف الشّمس يرجع لك .. كـفيف "
وأنّي على عهدك ومتجوّد معك نفس الخطام =لاتـحاتي لـ وضعي لو إنّ الوضع فـ عـيونك كليف
لأختاروا التدليس وألاّ الضرب من تحت الحزام=أخترت شيمة الأقويا بـ الكفّ عن وطي الضعيف
وإن كان مافيهم شويّ أخلاق ! أنا أخلاق ومقام=وإن كان همّ تحالفوا فـ أنا مع نفسي .. حليف
يعني من الآخر كـذا عـليّ بـ الله .. والحرام =لأبقى شّريف إن عشت يامحمّد وإذا متّ شّريـف
[/poem]