مسآؤكم شعر وعطر
..

ياهاجس الشعر وقف وين مِسريني=
وقف ولا تبيح اللي بالصدر خافي
مليت ياهاجسي ماعاد يمديني=
اصبر على شي خافي هببه سافي
مليت من كثر ما اكتب وين مِغديني=
شيطان شعري يعيد الميت والخافي
يا كثر مايمر في بالي ويأتيني=
شين يحرك ركون القلب لي شافي
لكن لا من صحيت وقلت يا سنيني=
وين الفرح والسعاده وينه الوافي
يرد لي صوت خافي بينك وبيني =
أثره صدى صوت روحي مابه اخلافي
اتغيب شمس الحقيقه بين الأثنيني=
لكن يبقى الغلا لو صارت اعجافي
اصبر على الجرح لو هو باين ابعيني=
احاول انسى واسلي الروح بالقافي
اتمر الأيام عجلى والشقا فيني=
أحس لوعاتها يا ذا الزمن كافي
يا هاجس الشعر وقف وين مسريني=
وقف ولا تبيح اللي بالصدر خافي