ياشيـن علـمٍ بالصحافـه قرينـاه=
ياليـت ماجابـوا عليـه الـدلايـل
وياليت ماوسط المجالـس سمعنـاه=
ولالفـوبـه ناقلـيـن الرسـايـل
لكن قدر.. والوقـت ياكبـر بلـواه=
والوقت فيه مـن البـلا والهوايـل
غاب القمـر عنـا ونـوره فقدنـاه=
وماباليدين حلـول والوقـت مايـل
راح الامير اللي ينومـس بطريـاه=
طـلال راع المرجلـه والجمـايـل
نسل الحرار اللي لهم يالعرب جـاه=
ال الرشيـد منزحـت كـل عـايـل
اهل الفعايـل والسيـوف المحنـاه=
تشهد لهـم بالفعـل كـل القبايـل
تاريخهـم مااظـن الايـام تمحـاه=
والوقت يحفـظ ذكرهـم والفعايـل
وطـلال ماننـلام يامـن بكيـنـاه=
نبكي فراقـه وازرق الدمـع سايـل
وتبكيـه شمـر والمناعيـر تنعـاه=
وسلمى.. وجا ..تبكي وضلعان حايل
واقـول يستاهـل اليامـن رثينـاه=
طلال شـوق اللـي تكـد الجدايـل
مرحـوم ياحـرٍ بعـيـدٍ معـشـاه=
تدمـي مخاليبـه نهـار الصمايـل
وادعي عساها جنـة الخلـد ملفـاه=
في جاه رب البيت منشي المخايـل
وصلو عدد برقٍ سرى وانتثر مـاه=
على الرسول اللي دعـا للفضايـل