له فتره من الوقت
حبيت اوضح لكم بعض الغير مفهوم
العواجي هو شاعر فحل وفارس وهو من فحول الشعر
جمل فنجال هو جمل فنجال الشيباني ويمكن من اطيب الفحول
سلطان رحمه الله عليه من محبين اقتنا الفحول الطيبه
قصر الخفاجي هو قصر قديم بالعراق وقد مكث فيه احد ال رشيد وقصد قصيده بصاحبه
ثقيف ابن حجاج هو الحجاج بن يوسف من ثقيف والي العراق واشتهر بالظلم
جوّد ابويتك قبل هب العجاجي=اعصار متقفي سحابه اليا داج
والعرّف زيّن ديكها بالدجاجي=وطباخها يصلى على واهج الصاج
والكي يشفابه طباب العلاجي=خصن على أخر عمر كيه بلاعلاج
وخلك ضحوك ولا تعقد احجاجي=ماهي بلحيه صاحبك يابيض احجاج
ولاهاجت فحوله وجاني مهاجي= اهيج به هيجه هجيرن اليا هاج
امسنسلن بيده وطلق المراجي= وين انت يالي تقربه وقت الأحراج
يضرس ضريس وصوت نابه يعاجي=كنك على بابن قديمن اليا عاج
برك انياقك وعقله للعواجي=خوفي يضربهن وهن طلق هجاج
يذكر جمل فنجال ابسوق الحراجي=من بعد ذكره مات سلطان باحراج
وشهي ابيوت الشعر وقصر الخفاجي=ارضخ لشعري ياثقيف ابن حجاج
وانا اليا جاني رجيمن يهاجي= ارجيه رجوى المرتجي لرجا راج
رجواي باالله يامركد رجاجي=يامجمع الهرج المجود والهزاج
انت الااله اللي لك العبد راجي=لاهاج صدري من لضى الجمر لا فاج
يلعن ابو يومن يعكر مزاجي= اذا بغيت احضر شعر جابوا اهزاج
اقول خلوني ادور خراجي= وظاهر اني... للمقفين محَتاج
اجدع ابويتك قبل هب العجاجي=اعصار متقفي سحابه اليا داج
قيس