( طلال موتك هز عوج الحنايا )
طلال موتك هز عوج الحنايا = وإهتزله برزان وإهتزله طي
تبكيك حايل والقرى والطنايا = وناس بعد موتك تقل مابهم حي
وتبكيك ساحات الشعر والزوايا = وهضاب نجد اللي حجب ليلها الضي
وتبكي عليك رجالنا والصبايا = حتى الحياه بغيبتك ناقصه شي
ياجعل قبرك ياكريم السجايا = يسقي ثراه الديم وبل من المي
مرحوم ياللي كامل بالمزايا = والكل يلقى في ذرا زولك الفي
يمناه تبذل من نفيس العطايا = وإخطاه نزها عن السفه والغي
وإن قالوا إنك مت وهذي النهايا = مامت.....كل يعتبر حضرتك حي
|