لابتي يالطنايا والحنين الحنين
ساطيٍ بالمشاعر والزمان يغذاه




مجدنا ما يدانا وان حضر ما تزين
نايفات الدعاوي .. يقْصر الله مداه




حي ضيغم ونسله والجناب المتين
حايرٍ به عدوه لو علا ما علاه




وحي زوبع وفارس فارس الرافدين
عجزت الفرس عنا وانكفت عن هواه




وحي ضاري والاسلم فزعة المنتخين
تومي اليوم حايل عاجزه عن وفاه




وان حضر ذود شمر غطرفنّ السنين
للثمانين ذكرى والبطى ما محاه




لا غدى الهوش حيله والمنايا خدين
تشرب الدار دمي .. ما يساوي ظماه




هلت دموع شعري يالله انك تعين
كل قلبٍ شفوقٍ عاذله ما نهاه




شفّنا للخزايز .. والحنايا عرين
للوفا والشهامة .. والمعالي سماه




حوّل القاف بارضٍ ما بها نازلين
لو تحن الركايب وقتنا ما سقاه




عمر بن عبدالمحسن