يامل صدرٍ شب في داخـــــــله قز
ولا سراجٍ قب في داخــــــــله قاز

من واهجٍ باقصى المعاليـق يعتز
ولع بمعلوقي كما يالـــــــع الغاز

لين احترق قلبي وعـــدي مجهز
وحبل الرشا بالكف جاله تقلـواز

اشرب على هم المعالــيق يعجـز
خلاجه اللي بالمعاليـــــــق لهـاز

عز العزيز اللي تـعزه على الـعز
ياوقت وين اللـي يعزك لالـــعزاز

لاشك وقتــي ياعـــــرب لـزني لز
على طريق القاســــــيه وتعــلواز

نهجت به نهج الفــقير الملعــــوز
اللي نهج مع طلــعت النور معتاز

ولفا علـى وجـــهٍ من الهم مخنــز
وجــــــهٍ كريــــه ولدنــانير كــــناز

شرحه المـــوضوع بالعجل ووجـز
تم الكـــلام وزبـدة الهـرج الايجـاز

ياحظي اللي حـدني ليــك يـــامــعز
من لايداحم جاير الوقــــت ماهــاز

قفــا وقلـــبي من معــــاليقـــــه ينز
باقصى ضلوعي كايــــد الهم هزاز

تبرالي الهـــــقوات بـــــدرب تعــكز
عند الغروب ودامس اللــــيل برواز

واصبح على باب الفرج يطلب العز
باب الكريم ومن طلب فرجــــته فاز

قيس