ياحزن فارق قيس وابعد مناحيك
واتعبت حاله بعد روحة حلاله
*****
مالك بقيس اللزوم شايف تماديك
وفي كل ساعه وانت واقف قباله
*****
وهو بخير إن كان تفهم وشانيك
والــرجل متالم وجنب مجـــاله
*****
وبكره نشوف غير لخفا طواريك
ويصير هندامه مناسب عــقاله
*****
ولو المقدر ينمنع جت هقا ويك
لكن ماقـدر على العـبد جـاله
*****
وقلب الشقا يصير ضمن المماليك
ويصعب جوابه لو يكرر سواله
*****
وماراح راح وكل ماصار يفديك
والعد مايضمن يواصل زلاله
*****
وتدخلي يالقرم واجب وواسيك
وان راح طيب جاك طيب بداله
*****