مساجلة بيني وبين أخي وصديقي
الشاعر (عازف ) مشعل بن محيا
اتمنى أن تروق لذوائقكم
والبدايه لدى

عازف





ياصاحبي جيتك انا صوت مبحوح
وجيتك ولون الهم يلوي شفاتي

جيتك تعب جيتك متاهات وجروح
أبختصر جيتك صدى ذكرياتي

وجيتك وحرفي غايته منك البوح
وحرفي يرتبني ويلغي شتاتي

في داخله همن موضح ومشروح
والله مطيّر عن عيوني سباتي

لكن وجاه اللي كتب محكم اللوح
ماغيرت كثر المواجع ثباتي

والغالي اللي منه ميّت ومذبوح
كلي أمل لوطوّل الوقت ياتي

قلة ترى مشعل يقول انت مسموح
وان مت قله انت سبة مماتي




(ردي علي عازف )


تصب أمزان الوفا تورق الروح
وتنبت على أرض الاخوه حياتي

ابشر يابو خالد لك الدله اتفوح
ارشف حروفي ، واقدع بطيب ذاتي

دام الوفاءفيكم يبي يخلق اطموح
أنس التعب بااهديك أغلى امنياتي

محبوبتك مهما ملت جوّك اجروح
انت تعرفها زين لالا تحاتي

واللوعه اللي في سما قلبك اتلوح
من ضيقتك ضيقت اربع جهاتي

اخوك وابشر تنهدم لجلك صروح
والله لو إنت تصير سبة وفاتي


بس انت تامر ودك اروح بااروح
لجل الأخوّه وانت فدوه حياتي



ودي للجميع