هو فاتني كل الحلا مجتمع فيه *** عشقه وعشق أيام حبه تشابه
اغلي مواعيده ونجواه وأغليه *** واغلي بعد حظن تبسم وجابه
اهلا هلابه لويجيني ولبيه *** وان كان ماجاني بعد ياهلابه
يسوقني شوقي لذكراه وأجيه *** وأستانس بوصله وأضيع بغيابه
بعيونه الخرساء وبتمتمة فيه *** وبغشمرته اللي تزيل الكآبه
اجوع شوفه واتعشا تغلّيه *** واهيم في بوحه واتوه بعذابه
تكفون قولو لي أنا ويش أسميه *** شفاف وطبوعه تثير الغرابه
مملوك للرقه وللغنج والتيه *** همسه يحوّل كل حزني دعابه
الصبح يضحك له الياشاف عينيه *** والليل لاشافه همس واحتفابه
حتى المرايا من وصوف تهنيه *** والعطر يضحك لا انتثر في ثيابه
واليا هرج وصف الحكي من شفاتيه *** يبهر فلاسفة الأدب والخطابه
يااخر واعذب حب ليت المشاريه *** تشيلني مشتاق لحدود بابه
باقول له يفداك شعري وراعيه *** ولجلك أنا أعشق فنون الكتابه
ياناس أنا أغليه وأغليه وأغليه *** وأغلي بعد حظن تبسم وجابه
ودي للجميع